Oopmond

Lapa

Regular price R 178.50

Shipping calculated at checkout.

Wenner van LAPA se jeugromankompetisie!
Soms vind harte mekaar selfs oor eeue heen …
Sewe maande ná haar hartoperasie begin Madelaine Taaibosch vermoed daar is iets verkeerd. Sy is seker die skenkerhart wat in haar borskas klop, is ’n gebroke hart. Die dokters verseker haar daar is niks met die hart verkeerd nie, maar sy begin vreemde dinge sien. Dinge uit die verlede. Dinge wat in die toekoms gaan gebeur.
Dis wanneer Madelaine op haar antieke hemelbed lê dat die Franssprekende Camille verskyn en sy in die verlede terugreis. Dis wanneer sy Koba word en verlief raak op Buks, wat sterf wanneer hy haar tydens die Anglo-Boereoorlog teen die Engelse beskerm; dis wanneer sy Madelaine Taillefert word en haar lewe nog eens deur haar beminde, Hildebrand von Solms, gered word …
En dan is daar Brand, die rekenaar- en geskiedenisboffin wat graag navorsing oor sy stamboom doen. Hy vind uit Buks was sy pa se oupagrootjie en dat Hildebrand von Solms ook een van sy voorvaders was. Brand se oorlede meisie se hart klop nou in Madelaine se bors …
Terwyl Madelaine en Brand die geheime van die verlede stadig maar seker ontrafel, is hulle gewikkel in ’n stryd teen tyd voordat die hart in Madelaine se borskas ophou klop …
Hierdie asemrowende jeugroman deur die bekroonde skrywer Jan Vermeulen laat die grense tussen droom en werklikheid, hede en verlede meesterlik vervaag in ’n wegholrit van ’n liefdesverhaal wat jou meesleur tot op die laaste bladsy.

Kommentaar van die beoordelaars van die LAPA Jeugromankompetisie:
* “Oopmond is ’n heerlik oorspronklike verhaal wat soos Pandora se boks lees en boei, nooit verveel nie, vol verrassings is en stof tot nadenke bied. Dit sou baie suksesvol voorgeskryf kon word.”
* “Hierdie is die soort Suid-Afrikaanse roman wat mens wil hê almal moet lees. Ek sou aanbeveel dat dit selfs oorweeg word vir vertaling in Engels, want daar is ’n groot tekort aan goeie plaaslike jongmensliteratuur wat op internasionale vlak ook kan meeding.”
* “Die verhaal is nie net ’n boeiende speurtog wat met fassinerende temas soos reïnkarnasie en tydreise werk nie, maar ook ’n aangrypende vertelling oor die moeilike kwessies rondom orgaanoorplantings, en die stryd van ’n ontvanger van ’n oorplanting om aan te pas ná die operasie. En bowenal is dit ’n oorrompelende storie oor die onsterflike krag van die liefde.”

Jan Vermeulen