Onse Vaders

NB Publishers

Regular price R 289.00

Shipping calculated at checkout.

Kaptein Beeslaar en sersant Ghaap is terug in ’n opwindende opvolg op Brynard se eerste en bekroonde speurroman, Plaasmoord. Dié keer is die twee bedrywig in twee uithoeke van die land – Stellenbosch en Soweto. In ’n miljoenêrsbuurt van Stellenbosch loop ’n huisroof skeef. Die slagoffer, ’n aantreklike rooikopvrou, se vernielde lyk word deur haar kinders ontdek. Kaptein Albertus Beeslaar, op besoek aan dié mooi Bolandse dorp van gewels, geld en wyn, word teen sy sin by die ondersoek betrek. Saam met die formidabele kaptein Vuyokazi Quebeka word elke kultuur- en geldklip op dié dorp omgedop op soek na die moordenaar. Vyftienhonderd kilometer noord van Beeslaar beland sersant Johannes Ghaap in Soweto, ’n lewensgevaarlike plek vir buitestanders. Maar daar is nie tyd om behoorlik ingebreek te raak nie, want Ghaap moet gaan soek na ’n vrou en haar kind wat tydens ’n motorkaping ontvoer is en iewers in hierdie vreemde plek van miljoene sink- en bokshuisies aangehou word. In die proses moet The Father aangedurf word – ’n man met so ’n wrede reputasie dat die meeste mense glo hy is bloot ’n urban legend.

Karin Brynard