Halley se komeet

Lapa

Regular price R 238.00

Shipping calculated at checkout.

’n Treffende grootwordverhaal gedurende ’n onstuimige era
Dit is 1986 in Suid-Afrika. Pete de Lange, ’n sestienjarige Afrikaanse seun vanaf Dannhauser, ’n klein dorpie in Natal, se lewe is in flarde. Ná ’n insident tussen hom en Rudi, ’n Indiërmeisie met die naam Sarita, en Petrus, ’n plaaswerker, het sy jaar verander, asook sy lewe. Wat gaan die psigopatiese Rudi doen om sy lewe nog meer hel te maak?
Rudi was die een was wat alles veroorsaak het. Sal hy betaal vir sy sondes ná wat hy aan Sarita gedoen het? Moet Pete na die polisie toe gaan? Sal hulle hom ooit glo? Ook: Waarmee is Sarita se pa, Venny Naidoo, besig gedurende sy geheime tweerigtingradiogesprekke laat in die nag? So baie drama vir ’n tiener wat net wil eerstespanrugby speel en sy droommeisie, Renate, se hart verower.
’n Onwaarskynlike vriendskap ontwikkel tussen Pete, Petrus en Sarita, waar hulle elke Sondagmiddag in die geheim bymekaar kom by Venny se winkel. Pete het gevoelens vir Sarita, maar dit kan nie, sy is dan ’n Indiërmeisie. Die spanning is snaarstyf in die Republiek waar onreg om elke hoek en draai skuil. Sal hulle vriendskap dit oorleef? Sal hulle vir Rudi oorleef? Of gaan die sondes van hulle vaders hulle inhaal? Dit alles gebeur gedurende 1986, die jaar waartydens Halley se komeet ’n draai kom maak.

Die spanning om die uiteinde te vind, loop hoog en dryf die leser enduit. Dis ’n belangrike debuut wat kop en skouers bo soortgelyke verhale uitstaan.

Hannes Barnard